Chin ramkulh,Tedim khuapi um SAC ralhraang hna cu June 16 thok khan khuate lei ah rallam an sial tiah thawng theih a si.
Cu ralhraang hna cu June 16 zanlei ah khan Tedim peng Khui Nuai khuate an rak phanh caah khuami hna cu a him nak ah an zaam hna tiah theih a si.
Kalaymyo in SAC ralhraang 100 tluk zong a luancia June 15 ah khan Chin ram panh in an rak kai nain Hmunpi khua an phaak ah an kir than tiah theih a si.
Kalay-Taingen-Tedim lampi cung um mi khuate hna cu kahdohnak a chuak sual lai ti phaan ah ral an zaam cio hna.CDF/CDM Siyin zong nih June 13 ah khan lampi kiangkap ah a herhtuk mi a um lo ah cun tum le idinh lo ding,zing slm 6:00 in zaanlei slm 7:00 kar lawng khual tlawn ding ti bantuk ralrin pek nak an rak chuah ve.
