Myannmar ramkomh cozah ralkap Tatmadaw nih India ralkap sinin an cawk mi Raltuknak Tipilh Tilawngpi (Submarine) cu October 15 ahkhan avoikhatnak raltuk cawnnak ah an hman tiah theih a si.
Hi raltuknak tuknak tipilh tilawng (submarine) pi hi Russia ram nih an ser mi kilo class submarine a si. 1980s hrawng ahkhan India nih Russia sin in a cawk mi a si. Tatmadaw nih an cawk hnu ah a min cu “Min-ye-tin-kha-tu” tiah min an sak. Hi tilawngpi hi Diesel thazaang in a kal mi a si.
Tatmadaw thawngthanhnak lei nih cun Minyetinkhathu hi raltunak an cawnnak ah hin rili ah an cawnnak a si i, tipilh le tivuan voi 100 leng an tuahter khawh i, torpedo kah zong hlawhtling ngai in kan tuah khawh tiah thawng an thanh.
Tatmadaw nih India ralkap sinin hi tipilh tilawng pi an cawk mi hi USD 37.9 million in biahrennak an tuah tiah theih a si.
Source: Irrawaady & Financial Express
