Nihin Naypidaw ah tuah mi Tatmadaw thawngfian nak ah spokesman Brigadier General Zaw Min Tun nih “Tatmadaw nih Aa-naa a ting lailo tiah ruah khawh a si lo tiah a chim.
Nihin January 26 ah Naypidaw ah tuah mi Tatmadaw ralkap thawngfianhnak an tuah mi ah thawngzamh pakhat nih Tatmadaw nih rampi uknak a la lailo tiah ruah khawh a si maw tiah a hal mi cu a cunglei bang a leh mi a si.
“A ngah lo. Ka chim cia mi ahkhan ai tel mi a si dih. Tatmadaw cu phunghrampi a zulh mi kan si” tiah a chim.
Tatmadaw lei in 2020 thimnak ah mee firnak kong he pehtlai in rianngeitu hna sin ah fianhnak data an hal mi hna chung ah 2020 Myanmar ram pumpi thimnak ah mee fir nak peng 300 cuhng ah 8.6 million vote ai fir tiah an chuah pi.
Zualral (emergency) a cuah ahcun President nih KALUNG a kawh lai i, rampi uknak kha Tatmadaw lutlai sin ah a ap khawh ti a si. Asinain, President a lungtlin lo ahcun aa-na-ting khawh a si lo i, hi lakah ralkap nih rampi uknak an lak ahcun 2008 phunghram hi a rawk lai i, 1962, 1988 kum bantuk in ralkap nih uknak lak nak kha a cang kho mi a si tiah phunglam lei thiamsang U Kyi Myint nih a chim.
Source: BBC
