CBN News, 07 Nov 2020: Kum 1962 in 2015 tiangah Tatmadaw (ralkap) hi NLD party caah bu zeuh um le tihnung bik bu pakhat a si.
kum 2016 ah NLD nih Myanmar rampi cozah an tlaih nain, ralkap, palik le security he aa pehtlaimi department hna cu Tatmadaw (ralkap) nawlngeihnak tangah an um.
A luancia kum 5 chung kha Tatmadaw le NLD party an rualrem le an i pehtlaihnak thatbik caan a si, 2020 rampi cozah thimnak ding zongah Tatmadaw nih NLD le party dang pawl cu military base (ralkap umnak hmun) ah campaign ngeilo dingin an nawl i Tatmadaw nawlnak cu upat piak in Military base ah party campaign nak ngeih a silo.
2020 Myanmar cozah i thimnak ah Tatmadaw lei in General Min Aung Hlain nih Tatmadaw aiawh ding MP candidate minung 6 a thimmi hna cu UEC nih an duhlo, Ralkap thawngzamh caa, Myawady ah fakthanhnak tuahtimh a sinain UEC (Union election commission) lei nih an kham piak.
Hi ruangah Tatmadaw cu UEC cungah lungtlinlonak an ngei i 2020 Myanmar election ah UEC cu party tanh hleimi ngei ah an puh.
Tatmadaw nih an langhter ning ah NLD cu 2016 rampi cozah a tlaihka in a tutiangah aa tinhmi, kum 70 leng tlangcung hriamtlai bu he buainak daihternak peace process ah a sung (fail) cang.
USDP nih cozah an tlaihlio ah hriamtlaibu bu 8 kahdaihnak (NCA) min a thutpi, NLD nih cozah cozah thar a vun kai i an party nih an i tinh bikmi Peace Process cu kum 5 (term 1) chung ah hriamtlaibu bu 2 lawng NCA min an thutpi khawh tiah Tatmadaw nih an langhter.
CBN News
