TaMu, YanLinPine Khua Cu SAC Ralkap Nih Meiduah In An Hrawh, Khuami 3 An Tlaih I An Thah Hna
Sagaing ramthen, Tamu peng YanLinPine ( ရန်လင်းဖိုင်) khua cu SAC ralkap nih Nizan June 23 ah an lut i meiduah in an hrawh, khuami 3 zong an tlaih i an thah hna i nihin zinglei ah an ruak kan lak khawh hna tiah khuami hna nih an chim.
” SAC ralkap nih inn duah lawng an i lungtlin lo caah an tlaihmi YanLinPine khuami 2 le KhunMonNun( ခွန်မွန်းနွန်) khuami1 cu an thah hna” tiah khuami pakhat nih a chim.
Tu lio hrawng hi Tamu peng, YanLinPine khua pawngkam hrawng ah kahdohnak tu le tu a chuak i nizan ah YaLinPine khua cu SAC Ralkap nih lut in khuami kahthah nak hna n tuah tiah theih a si.
” TaMu peng, YanLinPine khua le a pawngkam hna ah SAC ralkap le PDF hna kahdohnak tu le tu chuak. Inn hna mei an duah , tu le tu ralzaam a si caah harnak tampi kan ton mi hi minung thinlung a ngei lo mi SAC ralkap nih cun an theihthiam lo ” tiah khuami pakhat nih a chim.
