Tamu pengkomh, lo ah a riak mi pa pakhat cu hngalh lo mi hriam tlai bu nih an kah that
Sagaing ramthen,Tamu peng,Khuathar,Hlesuit khua ah a um mi Ko Aye Htun-အဲထွန်း(35) cu nizaan July 25 zaan sml 9:30 hrawng ah a lo thlam chung ah hngalh lo mi hraim tlai bu pakhat nih an kah that tiah theih a si.
Ko Aye Htun hi Hlesuit khua he falung 7 a hlatnak a lo thlam chung ah TV news a zoh lio ah an kah that hi a si.
Ko Aye Htun hi a paw ah an kah i an kahnak hi lai meithel si dawh a si.Zei raung ah dah an kah ti hi theih a si lo.Mah pawng hrawng hi SAC ralkap le Pyu Saw Htee pawl an kal tawnnak hmun a si tiah khuami pakhat nih a chim.(Crd.Zalen)
