Tamu Pawng Kahdohnak ah PDF Pahnih An Nunnak A Liam,SAC Ralkap A Thi Mi An Tam.
===============================================
September 17,Tamu pawng kahdohnak ah tlang cung hriam tlai mi 2 an nunnak a liam ii SAC Ralkap tam an thi tiah Freedom Rangeers Tamu nih an chim.
Kalay peng lei in a ra mi SAC Rallam cu Yanlinfan khua , Nanminta khua le laymine gate ah tlang cung hriam tlai phu nih hngak in an doh hna.Kahdohnak ah a tel mi mipi hriam tlai lei Pah-Kah- Pha Battalion 5 ralbawi Lin Yoon a nunnak aliam ii Ralkap pakhat zong a nunnak a liam tiah theih asi.
“Voikhat zaan cu hriam ngan he hriam hme aw lawng te thang.nizan cu tlawmpal lawng thang tiah Tamu khuami pakhat nih a chim. Tamu Khua meng 4 Gate sakhaan cu tlang cung hriam tlai phu nih luh hnawh in an doh hna i SAC Ralkap lei in 3 an thi ii sakhaan cu an zaam tak tiah PDF sin theih asi.
Meng 4 Gate sakhaan an doh lio ah bawmh ding in a ra mi SAC Ralkap pawl cu Manmaw khua le Tantapin khua khar ah bom in an doh hna ii SAC Ralkap lei a thi mi an tam tiah Freedom Rangers phu nih an thanh.
Yanlinfan khua kahdohnak,Nanminta khua pawng bomh in puaknak,Meng 4 gate sakhaan kahdohnak le Freedom Rangers Tamu phu ii bom in dohnak ruang ah SAC Ralkap 30 an thi tiah theih a si.
Cu kong he pehtlaih in DNA lei nih an feh ter mi um rih lo.Tamu lei a kal mi SAC rallam cu September 19 ah Tamu Peng Yanlinfan ,Nanmonta le Khuamonnon khua ii inn 10 cu mei in an duah .
Cu ni ah SAC Ralkap rallam cu lam kip ah bom in puaknak le Kaphnih khar kahdohnak pawl zong a chuak tiah theih asi.
