Chin ramkulh Falam peng Surbung Airport ah avoikhatnak vanlawng a tum kho cang.
Nihin October 27 zing suimilam 10:30 Am ah Chin ramkulh Falam peng Surbung vanlawng tual ah a ttum kho ve cang. Surbung vanlawng bual ah vanlawng ttumnak kong he pehtlai in lamsul lei vuanci Pu Sui Thio nih cun
tuzing october 27 zing suimilam 10:30 thengtheng te ah a van tum tikah hin kan i lawm taktak. Tuanbia pakhat a si.
tiah local media The Hakha Times biahalnak ah a chim.
Surbung Vanlawng tual hi Yangon in zuan tikah suimilam 2 hrawng a rau tiah zumh a si. Furthal hlan in vanlawng a ttum kho fawn lai tiah tuanvo ngeitu pakhat nih a chim.
Tutan ah a rak ttum mi vanlawng hi ATR 72 timi vanlawng phun a si i, Kalaymyo ah a ttuam tawn mi vanlawng bantuk a si tiah theih a si. Surbung vanlawng tual hi rili in pe 6000 nak sang ah a um mi a si i, Kawlram komh chung ah vanlawng tual sang bik a si.
Photo: Zalen
