Myanmar ramkomh chungah States le Regions pawl an parliament cio nih Chief Minister an i thim khawh ding ka duh tiah Tatmadaw lutlai General Min Aung Hliang nih a rak chim mi cu NLD lei in chimrelnak nawlngeitu Dr. Myo Nyunt nih a leh ve.
Tatmadaw a duh tu Pary pawl nih i fonh in cozah an ser khawh mi ruangah kan lung a tlin lo bia a si tiah NLD lei in an rak chim than hi a si.
Kan hnu Octobr 15 NCA minthut kumnga tlinnak camtuak biachimnak ah General Min Aung Hliang nih States le Regions pawl an parliament cio nih Chief Minister an i thim khawh ding a duh nak kong a rak chim.
“Kan nih tatmadaw lei in States/regions pawl ahhin an mah le an covo an tuahttuan khawnak ding ca ah tiin, anmah le an ramkulh ramtthen cio ah Democracy thawtnam an teh khawhnak hnga States/regions parliament ah Chief Minister an i thim khawh ngakhnga kan duh”
tiah a rak chim.
NLD Party lei in chimrel nak nawl a ngeitu Dr. Myo Nyunt nih cun, Democracy ngah nak ding ca ah a hmasa i zuam a herhnak le hluttaw chung ah zeibantuk federal dah kan ser lai timi cu tlangcung mi hna he caih ding ah kan hnatla tti hna lai tiah a chim.
“Cu ca ah Democracy hi a hmasa ah ngah ding ah kan nih cun kan papek. Tlangcung mi hna ca ah Federal muisam kan hmuhsak ko hna nain, 25% ai lak mi Tatmadaw a duhtu party pawl nih i komh in cozah an ser khawh lai nak lam a um. Cu ca ah kan nih cu a tulio ah Democracy ningkel kan kal rih lo ca ah a tu hi a chim mi hi kan lung a tling lo
tiah a chim.
Tatmadaw le USDP palai hna nih a tulio 2008 phunghram pi ah ai tel mi phung chung ah Ramkulh ramtthen pawl kha ramkulh ramtthen parliament nih thim khawh ding an ttial nak article 261 (b) kong cu remh ding ah an rak chuah pi nain NLD nih remh an rak duh lo ca ah ai remh kho thai lo.
Source: 7day Daily News
