CBN News, 21 Oct 2020: Shan Nationalities League for Democracy (SNLD) party mipi campaign an ngeihnak ah Motor eksident in minung 4 an thi, a thimi hi nu 3 le hngakchia pakhat an si.
Zarhpini zanlei sang ah khan Shan ramkulh, Muse distric ah SNLD party campaign an ngeih lio ah Motor hi lamsir Shweli tiva ah a liam, Motor ah hin minung 7 an i cit, Minung 3 an chanh manh i an chanh manhmi lak ah minung pakhat cu sizung ah thlawpbul a si.
Shan ramkulh chaklei SNLD hruaitu U Sai Hla Phay nih a chimning ah “Shweli tiva ah Car in a liammi minung 4 ruak hi hmuh a si rih lo, Shweli tiva ah an ruak kawl cuahmah lio a si”
“Party Campaign nak he pehtlaimi thil a si ruangah SNLD party nih a thimi chungkhar hna hi bulhnak a pek hrimhrim lai, an ruak hmuh țhan khawhnak dingah kan i zuam len nain ruahchannak a umtuk tilo” tiah a chim.
Mit i a rak hmutu hna nih an chimning ah eksident a tongmi motor hi a hmai ah motor dang he naih tuk in an i ton ruangah lansir ah a pial i Shweli tiva ah a liam hi a si tiah an chim.
SNLD party campaign ngeih lio ah hin Motor 50 hrawng campaign nak ah an i zul.
SNLD hi Shan ramkulh ah cun Political party nganbik a si i Myanmar rampi ah Party nganbik 4 nak an si.
CBN News