CBN News, 01 Oct 2020 : SNLD (Shan Nationalities League for Democracy) Party dirhtu le an hruaitu a simi U Khun Tun Oo cu kum caan saupi a dirhmi Party a thithruai hnu ah 2020 election ah i cuh ve lo dingin party hruaitu a sinak a ngol tâk.
SNLD hi ramchung ah Politics party nganbik pali nak a si.
U Khun Tun Oo nih a chim ning ah Party hruaitu ka sinak ngol tâk dingi biakhiahnak ka rak ngeih cangmi cu thlen khawh a si ti loh, “Central lei Executive Committee nih Party hruaitu dirhmun ah chiah than hawng ka tim hna hmanh selaw dawhcah tein ka al lai” tiah a chim.
SNLD party Secretary U Sai Kyaw Nguint nih a chimning ah tuzarh zarh hramthawk ka ah biakhiahnak a ngeihmi hi Central Executive Committee lei sin ah a chimh lai ka zum tak lo nain a biakhiahnak ah kan upat.
U Khun Tun Oo hi a chungkhar sinah caan tamdeuh hman khawh a duh cang ruangah le mino hna politics lei ah dirhmun tha kenh a duh ruangah a rian a dinhtak hi a si tiah a chim.
SNLD party official nih thawng an thanh ning ah an party hruaitu U Khun Tun Oo cu a rian dinhtak hmanh sehlaw an party campaign cu thawng chin chin in kalpi a silai i party slogan zong pakhat hmanh thlen nawn a um lo, U Khun Tun Oo ai dinh ruangah 2020 election dingah party chungah zei hnahnawh buaiban nak hmanh a um lo tiah mipi cu an lung zawr lo dingin nawlnak an tuah.
CBN News
