CBN News, 03 Oct 2020 : Singapore i Myanmar mi hna nih 2020 Kawlram cozah thimnak caah vote thlâk hram an thawk cang.
Singapore ah hin Myanmar mi minung 20,226 an um i 2020 Myanmar cozah thimnak ah Singapore Myanmar embassy (Tan zung) ah Myanmar cozah ding an duhmi Party vote an thlak khawh ve hna.
Singapore Myanmar mi hna nih Singapore Myanmar Embassy i vote an thlakmi cu Myanmar Union election Commision ah kuat than a silai.
Tu hrawng Vawleicung ah pulhrai Covid-19 a lenlio a si ruangah Singapore Myanmar mi hna cu october 1 in ni 18 karlak ah minung 800 embassy ah vote thlak dingin appointment pek an si, appoinment pekcia mi hna cu vote thlakding ni an theihter ni ah vote an thlaklo a si ah cun ni dangah vote an thlak kho lailo, an vote a thi lai.
Singapore Myanmar embassy i Myanmar election vote thlaknak tuanvo ngeitu Ko Aung Paing nih a chimning ah tuzarh dongh Weekend ah vote 200 hrawng a lut cang, thaizing kiptuh lei ah nikhat vote 100 peng hrawng a lut than lai, Covid-19 ruangah nikhat ah minung tamtuk vote thlak dingin kal khawh a silo ruangah vote thlak tu ding hna cu appointment kan pek hna tiah a chim.
Singapore Myanmar embassy i Singapore um mi Myanmar rammi hna vote cu a caan te ah tlamtling te in Myanmar Union Election Commision ah kuat a silai.
Singapore le Myanmar hi ASEAN SUMMIT ah hawitha ah ai sermi an si, a tu ah Myanmar nih a voi 2 nak Covid-19 pulhrai nih a den thannak ah Singapore Foreign Minister nih Aung San Suu Kyi phone in a chonh Myanmar bawmhnak pek ai timhnak a chimh.
Singapore Foreign Minister nih a chim ning ah Covid-19 diognostic test nak 25,000, Hmaihuhnak mask Ting 10 renglo le kut tawlnak Hand Sanitizer bottle 200,000 Myanmar ah bawmhnak kuat a silai tiah a chim.
CBN News
