Matupi peng chungah ral a zaam mi pa pakhat cu a dam lo i sii-ai lei thlopbulnak tha tein a hmuh khawh lo caah a nunnak a liam tiah theih a si.
Matupi khuapi Lawngvan sang in Matupi peng Leisin khuate ah ral a zam mi Pu Pa Sang cu dam lo in a um i sii-ai um nak khuadang ah kalpi in thlop a si nain sii-ai lei i deih lo nak,siibawi te um lo nak ruang ah a pawpi le a kal lei dam lo nak in July 14,zan slm 7 tluk ah a nunnak a liam hi a si i Pu Pa Sang nih nih a nupi le a fale 5 a kaltak hna.
“Matupi in Leisin ah ral an zam,Leisin khua ah kahdohnak a um than caah a dam lo buin khua dang ah an zam pi than.khuapi lei le Mizoram lei kalnak dingah lam a pit viar leng ah furpi a si i motor a kal kho lo.sii-ai zong a herh deuh mi pawl an um lo caah a tu bantuk in an nunnak a liam hi a si.” tiah khuapi pakhat nih a chim.
Matupi khuapi laak kahdohnak tuah lai ah khan Matupi khuami hna cu mah le khua naihniam cio le Mizoram lei hna ah ral an zaam cio hna i eidin le ngandamnak izohkhenhnak lei ah an harsa ngai hna tiah theih a si.
