Thlakhat leng a rau cang mi Thailand ram mipi duhlonak langhternak cu nihin tiang a dih kho ve rih lo. Hi aukhuannak ah mipi nih an hal bik mi cu Siangpahrang uknak kan thlen piak uh timi le a tulio Thaland ram PM Prayut Chan-O-Cha rian dinhternak kong a si.
Sianghngakchia pawl nih an hrihhawh mi duhlonak langhternak hi hi hnu zong ah a caan sauh ngai dawh in a um tiah an ruah cio. Thailand ram ah Siangpahrang chungkhar nawlngeihnak kan thlenremh piak uh timi le cozah dohnak hi biapi in an aupi mi a si.
Nizaan Zarhteni ah cun Bangkok khua Democracy lungphun kam ah Thailand mipi 2500 leng cu duhlonak an langhter than.
Nizaan Zarhte Ni ahkhan Thailand ram ah Tlanglawng lam hunnak tuah ding ah ai thawh mi Siangpahrang Maha Vajiralongkorn le a thaisung Suthida hna cu Bangkok khuapi chung lam an tan pah ah mipi “Siangpahrang uknak kan duh lo” tiah an auhnawh hna. Democracy duhnak langhtenak ca ah hmelchunh pakhat a si mi kut zungthum thlir in Hunger Game muvi chung bantukin mipi nih rampi hla an sa.
Thailand ram ahhin Thailand Siangpahrang Maha Vajiralongkorn nih Siangpahrang ro a co hnu in Siangpahrang chungkhar nawlngeihnak a sang cuahmah. Cucu mipi nih an duh lo i, Siangpahrang chungkhat nawlngeihnak nakin Democracy ram thlennak ding ah mipi nih thlapa thlakhat chung duhnak an langhter cang.
Source: VOA
