COVID-19 zawtrai Second wave ruangah Myanmar ramkomh chung dihlak in Sianginn vialte khar dih a si. Asinain, Inn in cacawn khawhnak ding ca ah TV, Radio, Online Platform kan timlam cuahmah lio tiah Fimcawnnak lei zung in Director General U Ko Lay Win nih a chim.
Atulio ah Education TV chanel in sianginn ca hna cu thlah le chimh an thawk cang i, a rauah hlan ah rampi nih ngeihmi MRTV, Myawady le Private TV chanel hna in cacawn khawhnak lam a um lai tiah ruah a si.
A biapi in hngakchia hna nih cacawnnak caan an sungh lonak hnga ca ah tiah, Home-based Learning tuah in, Siangniamruun, Sianglairuun le Siangsangruun ca ah Digital cawnnak cu a rauh hlan ah tuah ding in timhtuah a si tiah theih a si. A tu lio ahhin Grade 11 ca ah tuah i, thlak cia mi zong TV in an thlah cang lai tiah theih ais.
Ramchung ahhin kumdang kel ah cun caanhman June 1 ahhin sianginn ap a si tawn nain, tukum cu COVID-19 ruangah July 21 lawng ah sianginn hun a rak si. Asinain, Second wave ruangah August thla chung ah an khar than.
“Kumkhat cacawn caan hi thla 10 in khiah a si tawn nain, tukum cu thla 5 telawng a tang cang. Asinain, cacawn kum 2020-21 a ningpi in kan khar ti a si lo” tiah U Ko Lay Win Nih a chim.
Source: Mizzima
