Siaha ah Auto Rickshaw Driver thattu minung 4 chung in pakhat a zaammi, Manase, Pu Hnehzova fapa, Raka, Myanmar Mara khuami cu mi kut in a nunnak a liam.
DD News Mizoram nih cun ” Auto Rickshaw Driver thattu pali lak ah a zaammi, Manase cu nizaan ah zapi thinhung nih kawl in an hmuh i kut an thlaknak ah a liamtuar ingtuar kho lo in a nunnak a liam. Palek an phanh cun zapi hi an rak um ti lo caah ahote nih dah kut an thlak ti theih khawh a si lo nak le a nunnak khamhmanh a si lo kong an langhter hlei ah, a ruak hi an khua lei ah tlunpi a si, tiah an langhter.
Nihin Mara Thyutlia Py, MTP General Headquarters hruaitu hna nih Auto Ricksaw Driver thahnak kongkau ah sualnak tuahtu ah theihmi humhim tim in mi cheukhat nih an puh cu an lungthin a fahnak kong media he tonnak ah an chim. MTP nih cun lainawngtu hna lak ah pakhat cu ruak an chiahnak hmun chim dingin an hruainak ah MTP motor in phurh a si kong le hi ah hin zapi le palek i cilnaang in ruak an hmuh hnu zongah palek nih Lawngtlai chuak kho lo dingin an khenkham hnuah MTP Hqrs le CYLA hna i bawm in an nor hnuah lainawngtu hi Mara ram, Tipi Ferry phanhpi a si kho than, Ruak hmuh a si khawhnakhnga a si khawhchung an i zuam lio ah a si lo ning in puh an si cu an khuaruah a har ngaingai i, hi bantuk thilcang ah hin hruaitu hna zong ruatthiam dingin zapi nawlnak zong an tuah.
