Magway ramthen,Gangaw district,Saw peng,Taw-Ma khuate ah nizan May 14 zanlei slm 3 tluk ah khan SAC nih vanlei in kahdohnak a tuah tiah theih a si.
SAC nih vanlei in kahdohnak a tuah caah sualnak ngeilo Taw-Ma khua mi nunnnak aliam mi le hliam tuar mi pin ah inn le lo a rawk mi zong a tam ngai.Taw-Ma khua ah hin zei bantuk kahdohnak hmanh a um lo nain SAC nih bomb a thlak hi a si.
“Kan khua ah hin zeibantuk kahdohnak hmanh a um lo,a tu kan chungkhar zong kan i thenthek viar,khuachung zongah a ho hmanh kan lut kho rih lo. Bomb thlak ruangah a nunnak a liam mi hi minung 7 an si Pa 3 le Nu 4 an si.a thi mi chungah nausem pakhat zong aa tel.hliam a tuar mi himinung 9 an si hna.an kut,ke le hna hna an i thek viar hna.hliam tuar hi midang zong an um kho rih men.an zapi in theih an si rih lo” tiah khuami pakhat nih Zalen ah a chim.
A luanvia 2022 lio zongah SAC nih Taw-Ma khua ah bomb a rak thlak caah caw le na zong an rak thi.May 8 zong ah khan Saw peng Akyi-Palwe khua ah SAC nih vanlawng in bomb a thlak caah tualchung mi 16 an thi i 25 leng nih hliam an rak tuar.
