Sagaing Ramtthen, Thasilay Khua Pyisawtee Nih An Khangh

Sagaing Ramtthen, Thasilay Khua Pyisawtee Nih An Khangh

Sagaing ramtthen, Sataung khuapi pawng minung 3000 hrawng an umnak Thasilay khua cu nizaan April 13 zaan slm 8:00 hrawng ah Pyisawtee nih an khangh caah khuapi dihlak ti awk in a ciam dih tiah tualchungmi pakhat nih RFA ah a chim.

” Thasilay khua cu Thatawlay khuakomh ah a ummi si, Zahan slm 8:00 hraang ah Taleba khua lei in kan khua chung ah saikel in Pyisawtee 5 an rak lut , khuami nih misawhsawh ah kan rel hna caah kan tlai lem hna lo , Inn an duah i an zaam hnu lawng ah Pyisawtee an si kan hngalh, Kan dawi hna nain kan phan kho ti hna lo: Mei cu a ran tuk caah khuapi ti awk in a lawn i a ciam, Khua chung hi zeizat hrawng a si ti cu ka hngalh lo nain Sataung khuapi lei ah a zaammi ralzam hi 5000 hrawng an si tiah achim.

Data For Myanmar nih Ralhrang nih uknak an lak ni thok in April 1 tiang cazin a lak ning ah ralhrang nih inn an duahmi dihlak 7973 a si cang i cu chung ahcun Sagaing ramtthen in inn 4954 ai tel tiah a thanh.