SAC ralkap nih Kantbalu,Nyaungkone khua cu mei an khangh
Sagaing ramthen,Kantbalu peng,Nyaungkone khua cu SAC ralkap nih August 22 zaanlei sml 4 hrawng ah khua ning piin mei an khangh tiah khuami nih an chim.
SAC rallamsial ralkap cu Nyaungkone khua ah August 22 zing sml 10 hrawng ah meithel puah in an lut.Khua chung inn pawl cu an duh ning in an hrawh dih hnu zaanlei sml 4 hrawng ah khua ning piin mei an khangh tiah theih a si.
“Kahdohnak zei hmanh um lo buin SAC ralkap cu khua chung ah an rak lut.SAC ralkap an rak luh bak ah khuami pawl cu an tli i hlim a hmu mi an um le um lo theih a si rih lo.An tlaih mi hna le khua chung ah a hreng mi an um le um lo zong fianh khawh a si rih lo.Khua ning piin mei an khangh” tiah khuami pakhat nih a chim.
Kantbalu peng chung khua pawl ah SAC ralkap nih a tu tiang ah khua 30 leng mei an khangh cang i umnak hmun ah a kir kho rih lo mi mipi ralzam tam pi an um.A tlawm tam zong fianh khawh si lo tiang in nifatin mi an tam chin tiah theih a si.(Crd.Khit Thit Media)
