SAC Ralkap Nih Hriamnam Ngan An Kah Ruang Ah Kalay Peng Ashitshi Khuami Pakhat Hliam A Tuar.
====================================================
Kalay Peng,YankyiAung khua ah um hmun a khuar mi SAC Ralkap cu September 13 zan sml 9 hrawng hriamnam ngan an kah ruang ah Ashitshi khua hriamnam ngan a chi pawl a tla ii mipi pakhat hliam hma fak ngai in atuar tiah theih asi..
“Vawlei tang ah kan bok,Cun tlakrawk inn pawl ah kan tli.Khua hnulei ah pathum a tla.Inn pakhat cu a rawk.Hliam a tuar mi hi zen pawl nih a ken caah a hliam a fak ngai” tiah khuami pakhat nih a chim.
Ashitshi khua hi aluancia thla ah SAC Ralkap pawl nih ngan ngai in mei an khangnak khua asi ii Khuami pawl cu mei a khangh nak hmun ah thlaam an sak ii an um tiah theih asi.
SAC ralkap pawl cu tu zarh chung ah kahdohnak um lo in Shabu,Ashitshi,Tinta khua pawl ah aruang um lo in hriamnam ngan an kah tiah theih asi.
Hriamnam ngan in a ruang um lo in an kah ruang ah pawngkam khua ii khuami pawl cu khua an chuak tiah khuami pakhat nih achim.
