Chin ramkulh Falam khua hrambunh SAC Infantry battalion 268 i an fale hna sianginn a thlah tu motor pakhat cu CNDF nih an kah hna caah motor khal tu pakhat a thi tiah theih a si.
“Kanmah phu nih kan kah mi a si ko,SAC an sakhaan bo in an rak tum i Cinmual sang an phak ah kan kah hna hi a si.an motor chung ah an fale siangngakchia le SAC ralkap minung 5 an itel, khuachung ah an lawr tuk pin ah CDM a tuah rih lo mi hna CDM tuah hna seh ti kan duh, SAC in hriamtling te he kan sin aa fonh mi cu lawman zong kan siam piak hna lai” tiah CNDF in chimphuannak nawl neitu Salai Cung Ngai nih Zalen ah a chim.
Cutin kahdohnak ruangah SAC motor khaltu a thih len ah hliam tuar zong an um i chun hnu ah Falam hrambunh SAC hna nih Laikua lei ah hriampi an kah len tiah theih a si.
