Nihin February 22 zingleisang ah SAC nih hriamngan duhpoah an kah caah Kalaymyo peng Khin Tha khuate in tualchungmi 3 Nunnak a liam than tiah theih a si.
“Nizan ah Kalay Hmunlai sang ah tualchungmi 3 an thi cang i hliam tuar zong an um,nihin zong ah Sac kah mi hriamngan ruang thiam thiam ah Khin Tha khuami 3 cu kuanci nih a khen hna i a hmun ah nunnak a liam than.a tu zong pehtlai in an kah cuahmah ko,kan mah zong inntang khor kan cawh mi ah kan i dor ve” tiah tualchungmi pakhat nih Zalen ah a chim.
Cu bantuk thiam thiam in nihin February 22 zinglei slm 9:00 tluk ah Kalaymyo Tahan sang Yoma Bank hmai ah cycle a rak i cuanmi kum 40 tluk Pa pakhat cu SAC nih a ruang um loin an kah caah a hmun ah a nunnak a liam ve tiah theih a si.
Nizan February 21 zinglei thawk khan Kalaymyo le a pawngkam hna ah dothlennak ralkap le SAC karlak ah kadohnak fak ngai a chuak i SAC nih hin hriamngan cu pehtlai in a kah peng ko tiah theih a si.
