Russia Team He Kan I Celh Lailo Tiah England Team Nih Thanh
England Football Team uktu FA nihcun Ukraine a tutu Russia dantatnak ah tiin England le Russia team chuih dingmi zeibantuk match hmanh kan i celh lailo tiah fehternak cathanh an chuah.
Russia nih minung tampi nunnak liam ding le rawhraknak ding lam cu i thim zau in Ukraine a tukmi cu vawleicung ramkip nih sual an phawt i phihkharnak in dan a tat cio.
Russia duhlo ruang ah England nih Russia he zeibantuk macth hmanh kan i celh lailo an ti bantuk in Poland, Sweden le Czech zong nih an ti ve tiah theih asi.
FA nihcun Russia ral a dironh tu Ukraine mipi he kan dirtti, Russia National Selected le Youth team pawl he zong zeibantuk match hmanh kan i celh lailo tiah an thanh.
