CBN News, 07 Nov 2020: Russia President Vladimir Putin cu a taksa ngandam lonak ruangah kum thar 2021 hramthawk ah President in ai din canglai tiah Russia local media hna nih thawng an zamh.
Kum 68 mi, Putin nih hin Parkinson Disease symptom zawtnak a ngei tiah theih a si i video footage an langhternak ah a kut le a ke cawlcanghternak lei ah harnak a ngei tiah langhter a si.
Moscow political scientist professor a simi Valery Solovei nih “Putin nih hin naktum kum thar ah Russia President in ai dinh nak a thanh te lai” tiah a chim.
Putin hi a nupi, Alina Kabaeva le a fanu pahnih, Maria Vorontsova le Katerina Tikhonova hna ngandamnak a thatlo ruangah ram hruaitu a sinak in i phuak dingin le chungkhar zohkhenh cang dingin ruahnak cheuh a rak si cang.
Putin nih hin kum 20 chung Russia Prime Minister le President dirhmun a rak tlaih cang, a tu term a ngeihmi hi kum 2024 ah dongh ding a si. a sinain kum 2036 tiang Russia president tlai kho dingin phunghram remh ding a suu (rawtnak) a rak chuahpi, hi kong he pehtlai in mipi ruahnak vote laknak ngeih a si i Russia mipi 78% nih kum 2036 tiang Putin nih president a tlaihkhawhnak ding phunghram remh an hnatlak pi.
CBN News
