Russia Nih Ukraine Kah Hram Thok Tthan, Odesa Khuapi Puahkehnak Thawng Nih A Chilh
Russia nih Humanitarian pawl caah lam kan on i kahdohnak kan ngol chung tiah Security Council ah a chim ko nain Ukraine ramchung zoh tik ah mizapi a bubu in an nunnak liam tthiam mi hmuh khawh an si.
Russia ralkap pawl nihcun Ukraine khuate hna i sel in an kahmi an ngol hrimlo tiah Ukraine cozah upa hna nih an chim, Ukraine khualipi Kyiv khuapi nitlaklei ah a ummi Changreu sernah Sehzung cu Russia nih vanlawng in an kah caah a tlawmbik minung 13 an nunnak liam tiah Ukraine mibawmtu phu nihnan chim, Inn a cimmi tang in minung 5 kan chanh khawh hna tiah an chim chih.
A hnu bik thawngpang a kaimi ahcun Ukraine ram rilinkam khuapi simi Odesa khuapi ah a thang taktak mi puahkeh thawng theih asi tiah BBC reporter pakhat nih a chim.
Rili cung in Russia ralkap nih Ukraine lei ah an kahmi Missile hna cu Ukraine ralkap hna nih an kah thlak len hna ti zong thrih asi.
Putin nihcun Ukraine tuding ah Reserved Army kan hmang hna lai lo, Tu kan ralkap nih an tei ko hna lai tiah a chim.
