Myanmar mi chung in a voikhat nak bik UFC ah thuatnak nawl a hmu mi Kan Laipa Joshua van cu a ralai mi January 14 zarhpini zinglei sang (Myanmar Caan) ah UFC a puai 3 nak aa thua than cang lai i Puai chung round 2 nak ah teinak hmuh kaa zuam lai tiah a chim.
2024 chung ah puai tampi thongh a duh kong le Flyweight chung in ranking 15 chung luh a duh kong zong a chim.
“tukum chung ah kaa tinh mi cu ranking chung luhkhawh ding a si,puai tampi zong thongh ka duhko,a si khawh cun puai 5,6. A si lo le puai 4 tal maw.tukum chung lawng ah puai li tal cu i thongh ka duh i puai 6,7 tiang kaa thongh khawh ah cun a mak tuk canglai” tiah Interview pakhat ah a chim.
A Mah he aa thua ding mi hi Felipe Burns timi pa a si i Brazil ram mi kum 34 pa a si.tlaihkhih lei a thiam ngai mi a si bantuk in puai 19 aa thong cangmi a si i puai 13 ah teinak a hmuh i puai 6 a sung.tei nak a hmuh mi chung in puai 8 hi a reh hna(submission) in teinak a hmuh mi a si caah laipa ai ralrin ngai a herh ve lai.
Joshua Van cu kum 22 lawng a si rih i aa thongh mi puai 10 ah puai 9 teinak a hmuh i puai 1 lawng a sungrih.teinak a hmuh mi chung in puai 5 cu tenglakthongh (Knockout) in mi a tei i puai hnih cu reh in (submission ) in a tei ve hna.
