Result A Palh Tawnmi Test Kit 2 Millions Tluk Cu Fim Tthan Viar Ding Ah US FDA Nih Thanh
Covid hrik cheknak caah hmanmi ”Test Kit” (Hnarsawh) millions 2 tluk cu fimtawl tthan viar ding le hman ti lo ding in US Food& Drug Administration (FDA) nawl a chuah.
Hi Test Kit hi Australia ram Company pakhat simi ”Ellume” nih a serchuahmi si i ”Test Kit hi hman tik ah result a palh lengmang tiah FDA nihcun a thanh.
Hi Test Kit hi an hman tik ah zawtnak a ngei lomi minung hna zong Positive a lang lengmang tiah American media pawl nihcun an ttial.
Ellume serchuahmi Test Kit hi Hnar le dang ah sawh in Covid zawtnak um le umlo chaknak asi i Siidawr kip ah zuar ding in tampi an phawtzamh cang, Positive tu hi ai palh lengmang i Negative tu ahhin cun ai palh theng lemlo.
Zawtnnak ngeilomi zong Positive a piah lengmang caah FDA in zuarti lo dingin a tinak hi a si i Ellume Company nihcun kan remh cang anti nain FDA nihcun kan ngiatthlai rih lai tiah a thanh ve.
