CBN News, 21 Oct 2020: Mizoram le Assam kala buainak kong ah tuchun cawn nithum ni tiangin CBN News nih thawng kan hlat khawh ning ah ramri buainak thawngpang thar a um rih lo.
Mizoram le Assam ramri buainak a chuahnak luhka hmun 3 ah Mizo palik le mino bu an duty peng rih.
Nizan cawn nihnihni 20 Oct 2020 ah khan Mizoram Chief Minister Pu Zoramthanga nih a mah pumpak Discretionary Fund 2020-2021 (2nd Quater) a hmuhmi chungin Mozoram chanh ruangi ramri buainak ah hliam a tongmi Pa ralțha minung 7 hna caah phaisa Rs.100,000 sanction a chuah.
Pu Zoramthang nih Phaisa sanction a chuahmi hi Assam kala pawl nih a hngawng ah nam in a sat mi (thlawpbul liomi) caah Rs.50,000 pek a si i midang hliam a tongmi Rs.10,000 cio pek an si.
CM Pu Zoramthang nih a chimning ah ram le miphun zawn ruahah raltha in a dirmi Mizo mino hna cung ah lawmhnak bia a chim i “Mizoram kan ram hi Mizo kut ah a um khawhnak ding ah India cozahpi hmanh meithal he dir onh i a doh ngammi kan si
“Kan ram kan ngeihkhawhnak dingah Mizo pa ralțha thisen le nunnak zeimawzat a liamcang, kan thisen le kan nunnak nih a hlawhchuah mi Mizoram kan ram inci khat cung hmanh ah Assam kala nawl kan ngeihter lo hi a biapi tuk” tiah a chim.
CBN News
