Kan hnu zarhteni ah(October 10) khan North Korea ram ralkap ceer nak hmun pakhat ah North Korea hruaitu Kim Jong-un nih COVID-19 zawtnak dohnak ca ah rian a tuan mi ralkap pawl hna cu upat peknak a tuah hna i, rammi sitthat nak ding ca ah ka ttuan khawh lo ruang ah tiah Mitthli thlak in bia a chim.
Kim Jong-Un nih North Korea ram chawleh harsat nak hi vawleicung phihkhar nak, COVID-19 le vawlei kokek puicimhnak ruangah an si tiah a chim. North Korea hruaitu Kim Jong-un hi 2011 kum ahkhan a pa dirhmun a chawngtu a rak si lio ah rampi chawlehnak ka tthancho ter lai tiah a rak chim.
Vawleicung ramkip phihkhar nak hun nak ding zong ah Kim nih US President Trump he tonnak an ngei ko nain, Vawleicung huap chawlehnak, Contruction planing le a dang chawlehnak vialte tuah khawh nak ding ca ah Nuclear hriamnam kong phihkhar nak ruang ai hlitphuak kho taktak rih lo dirhmun a si.
Vawlei hriraipi COVID-19 zawtnak ruangah North Korea ram cu ramri vialte khar a si i, cu hlei ah an ramchung kokek harnak ruangah fak piin puicimh an tong. Hi tikah hruaitu Kim cu mipi sinah rampi sitthatnak ding ca ah kan tuahpiak kho hna lo tiah mitthli tla in bia a chim ve cang.
Source: The Guardian
