Ramkulh Ttanrual Ceihkhan nak Bu(National Unity Consultative Council-NUCC)
Dirhnak le Riantuannak Kong Cathanh
1.Kum 2021,Nohawng thla ni 1 i ralhrang nih hramhram in nawlngeihnak an chuhnak kha a dohmi phu hna nih ralhrang uknak phung telh in hramhram uknak phung vialte hrawhnak le Federal Democracy Ramkomh sernak hmuitinh caah Ramkomh țanrual ceihkhan Bu (National Unity Consultative Council-NUCC)cu kum 2021,vaute thla ni 8 ah a hram rak domh i ser a si .
2.NUCC cu bu 28 nih dirh mi bupi a si.Kum 2020 Ramkomh thimnak ah mipi thimfung in phunglut(De Facto Legitimacy) a simi hmunhlum hriamtlai Dothlen Bu pawl,Ram/Ramkomh chungtel hrambunhmi le miphun hrambunhmi ceihkhannak bu pawl, ralhrang nih hramhram in nawlngeihnak an chuh nak kha a cohlang lo mi ramkhel bu pawl, Pauchuah dohthlen nak i thazang a si mi ralhrang uknak phung a do tu mino bu,nu bu,hlawhtuan bu,zatlang bu pawl, thazang in doh lo in zatlang nawlngaihlo cawlcang nak ah aa tel mi pawl,duhlonak langhternak bu pawl,hmunhlum miphun pawl,rian le sining phun zakip in a ra mi mipi pawl an si.
3.NUCC nih biapi in a hmaithlak mi rian le tuanvo hna cu ralhrang uknak a dohtu mipi dihlak kha sullam ngei tein aiawh i Federal Democracy phun kha zapi hruainak in a hluahchuah kho mi cozah fekfuan a chuah khawh nak hnga tuanchuahnak,Federal Democracy Biakamnak ningin Rampi Tonpum nih a thlaakmi tlaihfung le thlurtinh pawl kha tuanvo lak in tuanchuahnak le Rampi Tonpumh pakhat le pakhat karlak ah tlaihfung kong ceihhmai tawlrelnak kha dohthlennak caan chungah zohfeknak pawl an si.
4.NUCC nih Federal Democracy Biakamnak dal 1nak le dal 2nak hna cu a tial i kum 2021,Vaute thla 31 ah cathanh a rak chuah. Cun kum 2021 April thla ni 16 an Ramkomh țanrual cozah(National Unity Government -NUG)zong a rak ser, Federal Democracy biakam nak ah mipi dothlen nak hmuitinh a langh khawh nakhnga tiin cu Federal Democracy biakamnak zohthannak le remhmoih nak cu kum 2021,Biangreithlep thla 24 in thawk a si. Mipi tonpumhnak ah fehter a si te lai.
5.NUCC nih ralhrang uknak.phung telh in hramhram uknak phung vialte hrawhnak rian ah aa tel mi,dohthlennak tungtlang pawl a simi Ramkomh innpi aiawh Bu (CRPH),Ramkomh țanrual cozah (NUG) le riantuannak bu (Committess/Commissions)pawl kha Federal Democracy Biakamnak hrambunh in tlaihfung lei hruainak,tlangtlak zohfelnak le ceihkhan tawlrelnak caah zapi hruainak in aa zuam lai.
