CBN News, 07 Nov 2020: India ram, West Bengal Chief Minister Mamata Banerjee tthithruaimi cozah nih ralzam chungkhar 25,000 hna sin ah India rammi si khawhnak, Land Right Document a pek hna.
CM Mamata nih ralzam chungkhar 25,000 hna sin ah land right document pek an sinak nizan cawn nili ni 05 Nov ah khan a chim i, cuhlan ah a land right document a rak pek cangmi hna he fonh in West Bengal ramkulh cozah nih an ramkulh chung ah ralzam ting 1.25 hna sinah rammi sinak a pek cang hna.
Hi land right document hi India citizenship ah cohlan a sinak Mamata nih a chim i “land right document pekmi hna hi mizei hmanh nih India rammi an sinak chuh than khawh a silai lo” tiah a chim.
Ralzam hna khuasaknak timhtuahpiak nakding ah Rs ting 1,500 (150 million) bawmhnak phaisa sanction hlut cawlh a si.
West Bengal Chief Minister nih ralzam hna land right document a pekmi hna le bawmhnak phaisa a hlutmi cu party dang nih kum 2021 State assembly thimnak ah vote kawlnak ah a tuahmi a si tiah an puh.
West Bengal CM nih ralzam a cohlan mihna hi miphun dangdang aa cawhmi an si ruangah an chuahtakmi ram min langhter an silo.
CBN News
