Ralkap Uknak Lak Ruang Ah Siizung 20 Sibawi Hna Rian An I Din Chung Cang

Nihin February 2 thawk in Burma ramkomh chung ah siizung minthang le siizung nganngan 20 hna cu ralkap nih uknak a lak ruang ah cozah riantuan si kan duh lo tiin an rian an kaltak cang tiah theih a si. 

Hi cawlcanghnak hi Civil Disobedience Movement tiah an auh i, dai tein ralkap cozah thar kai mi thil tuah dohnak an tuah mi a si. Tuzaan lei suimilam 5:30 pm tiang ah kawl rawn siizung 20 hna nih an rian an i din chung cang. Hi rian dinhnak ah ai tel cang mi siizung le hmunhma hna cu a tanglei bang hin an si.

1. Mandalay Ihkhun 300 Hngakchia Siizungpi Siibawi Phu
2. Mandalay Genral Hospital Siibawi phu
3. Mandalay ihkhun 300 sianghleiruun cawnnak siizungpi
4. Yangon General Hospital thar siibawi phu
5. Pyay khuapi ihkhun 500 siizung
6. Mandalay siizung ihkhun 550 umnak siizungpi
7. Naypidaw ihkhun 1000 siizungpi
8. Sagaing General Siizungpi
9. Pegu khua ihkhun 500 siizung pi
10. Yangon General Hospital siibawi phu
11. Kyaukse khua General Hospital siibawi phu
12. Hpa-an siizungpi
13. Pyin-Oo-Lwin khua ihkhun 300 siizung pi
14. Mandalay ihkhun 1500 siizungpi
15. North Okalarpa Siizungpi
16. Magwe khua ihkhun 200 siizungpi siibawi phu
17. Myawady ihkhun 200 siizung pi
18. Nyang-Oo khua ihkhun 200 pengthen siizungpi
19. Mandalay khua ihkhun 300 tlum hngakchia siizung pi
20. Meikthila khua ihkhun 200 tlum siizung
21. Lashio khua siizungpi
22. East Yangon siizungpi sibawi phu
23. Monywa khua ihkhun 500 tlum siizung pi
24. Monywa khua ihkhun 500 tlum General Hospital sibawi phu

Sumilam dan in cathanh a chuak lengmang i, thawng kan tial chung ah a dang siizung pali hi an i chap cang.