Hakha Rungtlang ralkap nih an tlaihmi hna Hakha le Thantlang in Union Election Commission chungtel 7 cu nihin ah an thlah tthan cang hna, tiah kan theih.
“Myanmar ram huap piin UEC chungtel pawl nihin ah thlah dih an si i, Chin ramkulh UEC chungtel vialte zong thlah dih kan si. Hakha le Thantlang in minung 7 zong a kan thlah ve,” tiah Chin ramkulh UEC Chairman Pu Uk Nawl nih a chim.
Chin ramkulh UEC chungtel minung 25 cu February 10 ah khan tlaih dih an rak si i, thla khat leng a rauh hnu nihin ah an hun thlah tthan hna hi a si.
Source: The Chin Journal
