Ralhrangbu Nih Air Defence System Le Radar Test An Ngei Ralhrangbu nih Naypyitaw pawgkam ah air defence caah air defence sytem hmanmi radar test cu ramdang mithiam pawl he an ngei tiah theih a si.
Mah seh pawl hi ramleng in a rak lut mi Jet fighter, Drone le intelligence system hna cu an bunhnak hmun in meng 50 chung hrawng a theih kho mi a si i,A kah duh mi target a zoh tu a si tiah military engineer pakhat nih MPA sin ah a chim.
Zohfelnak hi August thla in thawk a si i, Naypyitaw pawngkam high way thluan ah radar bunh cia mi system pawl cu ramdang mithiam pawl he an test lio a si.Mah Russia radar sysem hi Jet fighter, Drone hna a theih khawh pin ah cunter system zong a tel mi a si tiah theih a si.
Mah radar system hi Russia nih 1970 hrawngah a rak ser mi a si i,tukum march 27 tatmataw ni lawmhnak ah Air defence force nih an pholangh mi a si.
Tu thla ah Russia technology Air defence system hna a rak phan rih lai tiah theih a si i, A tu an test lio mi hi a thar a phan mi a si le si lo fiangte in kan chim kho rih lo tiah MPA nih a ti.
