All Burma Federation of Student Unions (ABFSU) timi Kawl ram dihlak sianghngakchia huap in dirhmi phu chungtel Ko Soe Hla Naing le Ko Kyaw Thiha Yekyaw hna cu rampi mualphoh nak phungbuar dal (505 a,b) in nihin October 21 ah thong kumkhat thlak ding biacaih an si.
Palik minung 20 hrawng thazaang hmangin security an lak i, palik mawtaw in biacaihzung ah an chuahpi hna. Yadanabon Univerisy hmai ah September 16 ahkhan “Tatmadaw i surrender uh”, “Civil war daihter cang uh” tiah campaign tuah ruangah a tu bantukin biacaih le thongthlak hi an si.
Rakhine ramkulh chung ah a cangmi ramchung raltuknak kong he pehtlai in All Burma Federation of Student Unions (ABFSU) nih September 10 thawk khan fak piin dohnak an tuah.
A tutiang ah Rakhine ral kong he pehtlai in duhlonak a langhter tu minung 15 hi tlaihkhih le tazacuai an si cang. Cu pin ah hi thil ruangah a zaam mi hi minung 30 hrawng an si cang tiah theih a si.
Source: BBC
