Europe ram nih Ukraine caah bawmhchanhnak a tuah lo ah cun Russia ram nih kum 5 chung ah a dang ram zong a tuk khawh tiah President Zelenskiy nih Europe ram hruaitu ralrin a pek hna.
American ram le a dang Europe ramchung ah ramkhel thlihran in chawva bawmhchanh a si lai aa ruahchannak kong Spain ram ah tuahmi Europe ram tonpumhnak a kaimi Ukraine President nih a chim.
Russia nih vanlei kahdohnak a tuahnak ruangah Ukraine nichuahlei ah ngakchia hna cu vulei tang tlanglawng lam ah ca an cawng tiah a chim fawn.
Tho 5 ah Ukraine ram khua pakhat ah Russia nih kahdonak a tuah i, kum 6 ngakchia pakhat relh in minung 49 nak tlawmlo an nunnak a liam tiah Ukraine tuanvo ngeitu hna nih an chim.
Ukraine ah hriamnam nan bawmh a si ah cun Europe ram dang hi Russia nih a doh kho ti lai lo tiah Ukraine President nih a chim.
” Russia President Putin hi vulei cung a dang hmunram cungah kahdohnak nawl pek a ngah lo. A dang ram pakhat ah Russia ralkap an um hi tlerhkhonhnak a si. Russia hi a dang ram in chuah a si khawhnakhnga hmunkhat ah kutsih in kan kal a hau” tiah a chim.
