Rakhine ramkulh Taungkok peng NLD MP Candidates minung pathum hna cu October 14 zing suimilam 10:00 Am tluk ahkhan min hngalh lomi hriamtlai minung 10 nih chuihvelh pah in an tlaih hna tiah theih a si.
Hi tlaih mi hna hi Taungkok peng Pyituh Hluttaw palai Daw Ni Ni May Myint, Pyine Hluttaw palai U Min Aung le Amyotha Hluttaw palai Daw Chit Chit Chaw hna an si tiah theih a si. Taungkok khua in meng 15 a hlatnak Phaungkar khua mee kawl pah ah NLD party chungtel pakhat inn rawl an hrawn lio ah tlaih an ton hi a si tiah theih a si.
Hi MP Candidates minung pathum a tlaitu hna hi Tatmadaw he ai tu cuahmah mi AA an si lai tiah sualphaw tu an tam deuh i, AA tuanvo ngeitu hna sin ah thawnghal a si nain a tutiang fehter a si rih lo.
Source: Myanmar Now
