Salaitial| CBN Yangon | 26 October 2020| September 27 ah Malaysia ram ah a thi i, a ruak rak tlunpi hnu Thantlang khualuh lai ah ruak kham le lamkam phum a tong mi Mai Sui Hlei Tial ruak bulhnak ca ah Pu Cung Hu sin ah Chin mipi nih bawmhnak pekchanh mi phaisa sing 96 cu October 24 ahkhan a ap cang.
Hi ruak bulh phaisa apnak ah Pu Cung Hu nih apnak a tuah i Mai Sui Hlei Tial a nute a si mi Pi Ni Ln nih cohlannak a tuah tiah theih a si.
Mai Sui Hlei Tial bulhnak ahhin vawleicung ramkip Chin mi hna, bukip le pumpak, dawr le nubu..tbk hna nih Pu Cung Hu sin in bulhnak an tuah hi a si i, a phaisa fang in 9,611,537 MMK a chuak tiah theih a si.
Hi bulhnak ap kong he pehtlai in Bulhnak ap tu Pu Cung Hu nih
ngaihchiat a tong mi chungkhar hna nih mipi lei ngaihchiat hrawmpi nak an kan cohlan ca ah kan i lawm. Pathian cu a fale kan ca ah a tha tuk. kan ton mi paoh chung in a tha bik ah a sertu a si. midang ngaihthiamnak nih kan lungfahnak tu hnem ko seh. pathian nih thluachuah pe ko hna seh
tiah CBN ah a chim. Hi bulhnak a cohlang tu lei in Pi Ni Len zong nih
kanmah cung lawng ah siloin sui hlei tial a rak dawtu vialte, vawleicung kan miphun vialte sinah lawmhnak bia kan cihm. Pathian sin ah thluahuah kan in halpiak hna
tiah a chim. Pu Cung Hu sin in Mai Sui Hlei Tial ruak bulhnak ahhin CBN sin in mipi nih Bulhnak nan pek mi dihlak cu ap chih a si.
Mai Sui Hlei Tial ruak kong he relchap:
Thantlang COVID-19 Komiti: “A Herh Ahcun Mei Zong In Teh Nan Khangh Ko” | CBN
Dingdi Dream Nih Mai Sui Hlei Tial Bulhnak Ca ah Phaisa An Sing Sarih | CBN
