Nihin zing February 15 ah cun ramkulh private bank tam u cu an i khar rih tiah theih a si. Private bank ah mipi nih phaisa an chuah khawh nak hnga tiah ATM seh cu kan hun ko tiah ATM hngak security hna nih an chim.
Ramchung ah Private bank riantuan tu hna cu CDM ah an i tel ruang ah bank tam-u an khar cang hna. Nihin February zingka ah ralkap nih an raltuknak theng le ralkap hna he bank kip ah security an chiah cang hna.
A tulio Yangon khua ah Central Bank hmai ah ralkap pawl nih an raltuknak theng le ralkap thazaang tam ngaingai le palik phu hna he an kulh. Central Bank zungpi hmai ah lamzawh mipi hna nih CDM thazaang an peknak le riantuantu hna CDM ah an i tel cio nakhnga forhfialnak an tuah cuahmah.
Nihin Myanmar ramkomh chung ah ralkap nih uknak a lak hnu in cozah riantuan tam-u nih ralkap cozah tang ah rian kan tuan kho lo tiah Civil Disobedience Movement an tuah i, ahohmanh zung riantuan lo ding in an i tim. Uknak an lak hnu in zungkai an zor i, lamcung ah mipi nih uknak latu council cozah kan duh lo tiah an au cuahmah lio a si.
Source: BBC
