CBN News, 09 Nov 2020: US president silio mi Donald Trump nih vote 71 million a hmuh nain White House a chuahtak a hau.
President Trump hi election result ah a lung a tling kho lo, Twitter lei ah vote relning biatakte in a doh, an Observer hna cu counting room ah luhter an sianh hna lo, hihi cuhlan ah a cang ballo mi a si tiah a phunzai.
US ram caan, zarhteni ah Twitter ah biatak te in Election fraud he pehtlai in a phunzai hnu ah White House in Km 40 a hlatnak Trump National ah Golf (kohti) i celh dingin a kal.
Election fraud kong ah Trump nih hin tehte hmuhsak ding a ngeilo, election buantual ah a sungh hnu ah mipi hmai ah zei bia hmanh a chim rih lo, Trump ttanhtu hna nih hmun kaakip ah voter fraud kong an aupi i lam an zawh (tapeih an hmaoh).
Trump hi one-term president club ah chiah a sive cang lai, George H W Bush hnu ah President term 2 pehzulh kho lo President um chun le hmaisa bik a si.
CBN News
