President Donald Trump personal lawyer a si mi Rudy Giuliani cu COVID positive a si ruang ah siizung ah an chiah tiah theih a si.
President Trump nih a twitter cung ah, “Na dam chom ko lai Rudy, kan rian kan peh ko lai” tiah a ttial.
Mr Giuliani hi President Trump thimnak a sungh ruang ah thimfung dik le diklo kong he phunglut in biacaihzung ah biatak tein President Trump a dirkamh tu Sihni pakhat a si. A mah hi New York khuabawi zong a rak ttuan bal mi a si.
Mr Giuliani hi kum 76 a si cang i, Washington khua Medstar Georgetown University Hospital ah an chiah tiah US Media nih an thanh.
US ram ahhin milu 14.6 million hrawng nih COVID-19 zawtnak an i chawnhbarh cang. Johns Hopkins University thanh ning ah US ram ahhin milu 281,234 hna cu COVID-19 zawtnak in an thi cang ti a si. Cucu vawleicung ah COVID-19 in mithi a tambik ram an hung sinak a si.
Source: BBC
