US President Trump nih US ramchung ah ram mi hna ca ah bawmhnak an tuah ding mi COVID-19 aid bill cu a hnon.
President Trump nih COVID-19 bawmhnak cu US rammi minung pakhat ah $600 cu phaisa hlohthlau sawhsawh men a si, minung pakhat ah $600 in $2000 tiang asiloah nuva cu $4000 tiang sanh ding a si tiah Congress nih an caih mi cu min a thu duh lo.
2020 US president thimnak ah a sung mi President Trump cu aralai mi January 20 ah White House in a lawi cang ding a si. US Congress biakhiahnak ah $900bn bill thar an chuah i, hi chung ah US ram mi pakhat cio nih minung pakhat $600 cio tinco ding aa tel.
President Trump nih cun, “hi phaisa nih COVID ca ah zeihmanh a tuah kho lailo. Hi nakin a tam deuh awk a si” tiah fehternak min thu loin a hnon.
US Congress ah Democrats le Republicans hna hi COVID-19 stimulus bill ca ah July thla te khan an rak i nawr cang. Nizaan ceo ah biachahnak an tuah khawh i President Trump sin an phak pi. Asinain, President Trump nih US ram mi minung pakhat nih $2000 tal a ngah lo ahcun min ka thu lailo tiah a chim.
Source: BBC
