A ralai mi Nithum Ni ah tuah ding mi US ram president thar Mr Biden biakamnak ni ah vawleicung minthang hlasakthiam Lady Gaga le Jenifer Lopez hna cu hla an sa lai tiah theih a si.
Tukum COVID-19 le US rampi buainak ruang ah a hlan bantukin US ram President thar biakamnak cu hmuh a si ti lailo. Hi ni thawk hin Mr Biden cu US ram ah avoi 46nk President a si lai.
President thar biakamnak ni hi zeitindah caan an hman telai tiah cun, a biapi in thawng an thanh cia mi chung in vawleicung hlasakthiam minthang Demi Lovato, Justin Timberlake, Ant Clemons, Jon Bon Jovi, Lady Gaga le Jenifer Lopez hna cu hmuh khawh an si telai ti a si.
President thar biakam ni hi kum dang bangin a hlun hlai lailo ca ah US mipi zong inn cio in rak zoh ding ah thawng an thanh hna A tanglei hna hi President Biden Biakamnak ni Live in zohkhawhnak an si telai.
President Biakam ni ahhin Georgia ramkulh in minak meithat pa, Mino Biazai tialthiam pakhat, RC Father pakhat le Mr Biden khua in Pastor pakhat hna cu bia an chim cio telai tiah theih a si.
Hlasakthiam Lady Gaga hi US rampi hla a sa lai. Jenifer lopez hi mibu he hlasak dawh a si. Cu pin ah chan khat lio minthang hlasakthiam Bon Jovi zong hmuh khawh a si lai. Hi hlasakthiam hna nih President biakamnak ni ah hla an sak khawhnak hi Lady Gaga hi ngeikhat thitumhnak a dirpi tu bak a si. Jenifer Lopez hi Latin America ah COVID-19 khamnak ca ah a cawl ngai mi an si ruang ah a si ti a si.
Source:
