Potao Peng, Insian Khua Ah Ralhrang Nih Jet Fighter 2 In Kah
Kachin ramkulh, Potao peng, Insian khua le Suanpi khua karlak ah ralhrang nih Jet fihgter 2 in a kah hna tiah tualchung thawngzamh kachinwaves nih a tarlangh.
”Tuni, March 1 ah Singkatbuanbat ah ralhrang le KIA an i kap i zaanlei slm 3:00 hrawng ah ralhrang nih Jet fihgter 2 in a van kah hna,” Jet fihgter 2 bak ralhrang nih an hman voitam tuk an kah cang hna , tutiang kahdohnak a fak peng” tiah khuami pakhat nih a chim.
Ralhrang nih vanlawng an hman caah Insian khua le Suanpian khuami hna cu ramtang ah an i dor hna, Insian khua pawng ahhin February 18 thok in ralhrang le KIA kahdohnak fakpi a chuak.
