PeNgweKung Palik Camp Sergeant Pakhat Methal Zun 5 In PDF nih An Kah Thah
Pago pengkomh, KyaukTaHka(ကျောက်တံခါး) peng PeNgwekung(ပဲနွယ်ကုန်း) palik camp i, sergeant Htun Htun Naing cu meithal in kah thah a tong, tiah theih a si.
Nizan June 15 chun ah KyaukTaHka khualuhnak hauka catar ah meithal voi 5 in an kah thah, tiah theih a si.
“Nizan June 15 zanlei sml 1:30 hrawng ah kah thah a ton hi a si. Anih ni chek gate hngak a si. Milut chuak pawl cu tangka a hal tawn hna caah an ka thah hi a si. A lu ah voi 1, a ṭaang ah voi 4 an kah,” tiah tualchung mi pakhat nih a chim.
Sergeant Htun Htun Naing thahnak kong he pehtlai in Pago pengkomh PDF Battalion 3702 Companny 1 nih, kanmah kah thahmi a si, tiah social media ah an langhter.
Pago pengkomh chung ummi peng cheukhat ah Htun Htun Naing thahnak kong he pehtlai in SAC ralkap le palik nih chekhlatnak an tuah, tiah theih a si.
