Chin ramkulh Paletwa peng ah AA le SAC karlak kahdohnak fakpi a rak chuah lio ah SAC helicopter pakhat cu tla lak in kan rak kah tiah AA i chimphuannak nawl ngeitu Khaing Thu Kha nih Ayeyawwady Times ah a chim.
“Paletwa peng chung kahdohnak ah SAC helicopter pakhat kan kah khawh hi a si.cu helicopter cu Pitaung um SAC sakhaan pawngkam ramlak ah a tla.a tu ah Pitaung SAC byuha sakhaan kan laak khawh cang caah a tu lawng kan va zoh khawh hi a si” tiah a chim.Pitaung tlang cu Paletwa in a chaklei Bangladesh-Myanmar ramri ah a um mi sakhaan a si.
AA telh in 3 brotherhood alliance phu hna nih an kah khawh mi Helicopter hmai ah AA ralkap hna hman an ithlak mi cu February 4 ah khan an rak tarlangh.a si nain Helicopter kah nak kong ah zeibantuk thawngthanhnak hmanh an rak tuah rih lo i a tu lawng ah AA lei nih an hun chim hi a si.Zeibantuk hriamnam in dah helicopter hi an kah timi le a thi le hliam kong bel an chim chih lo.
Hriamnam lei kongkai a tial tawn tu Tactical Raptor 2.0 Facebook cahmai nih cun AA nih an kah mi helicopter hi Russia siam Mi-17 phun a si tiah an langhter.
