Palay Peng Ni 2 Chung Kahdohnak Ah SAC Ralkap Lei A Thi Mi An Tam,Kawlin Ah Tlang Cung Hriamtlai 8 An Nunnak A Liam.
==========================================
Sagaing Ramkulh,Palay Peng Chung Ah SAC Ralkap Le tlang cung hriam tlai kar September 12 le September 13 ah Kahdohnak a chuak ii SAC Leiin a thi mi an tam tiah PDF sin in theih a si.
“Nizan ah SAC Ralkap pawl cu Bom in kan doh hna. SAC Ralkap pawl nih Palay Peng,Wartinwar ah um mi inn pakhat an kangh ii Wartuang lei ah thazaang 120 hrawng a rak chuak mi pawl cu Bom lung 4 in kan puak hna.3 a hmun ah a thi.Adang hliam tuar mi zong an um.Cu khua in Shweluang khua puangki sianginn ah um hmun an khuar ii nizan September 3 ah zanlei sml 1 hrawng ah Monton khua cu voithum nak SAC ralkap nih mei in an kangh,Zanlei sml 4 hrawng ah kan mah phu nih Kan doh hna.SAC ralkap hliam a tuar mi an tam.Ralkap 30 hrawng cu Cycle in Palay khua ah an kal pi hna,Kan mah lei hliam tuar mi kan um rih lo’ tiah Ko Phuta nih a chim.
Cu kahdohnak cu Black PEACOCK , BPLA le Black LEOPARD fonh nih an doh hna tiah theih asi.
Cun Sagaing Ramkulh,Kawlin peng ah nizan September 13 zanlei sml 7:20 ah SAC ralkap le PDF kar a chuak mi kahdohnak PDF 3, Pah-Kah-Pah 5 nih ram le miphun caah an nungnak a pek tiah theih asi.Mipi 2 zong an thah hna ii Mipi 2 zong an tlaih hna.Tlaih a tong mi 2 ah CDM sianginn ca chim tu an I tel tiah Kawlin Revolution –KP nih Yangon Khit thit media ah an chim.
