CBN News, 25 Nov 2020: Australia, Queensland Lions FC goal keeper (Kawl bawh) Luke Borean nih nupi a tthitni ah a team pawl zamtak a duhlo ruangah goal a bawh piak hna.
National Premier Leagues Queensland semi-final ni cu a nupi tthit ni asi ruangah an team pawl goal a bawh piak kho rua lailo tiah an ruah viar nain tthit-umh puai hmang lo in goal a bawh!
Australia ram, Queensland state i football league (bawlungpuai) hlunghlai bik ah hin Lions FC hi semi-final ah an lut ve, a sinain Coronavirus ruangah semi-final chuih ding tikcaan khiahmi ni ah chuih lo in a ni hi thawn a si.
Semi-final chuih ding caan an thawnni hi Lions FC goal bawhtu Luke Borean nupi tthit caan he aa tong, Local media hna nih an langhter ning ah Luke Borean hi Biakinn ah a nupi Ellen Hepburn he biakamnak an ngeih khawh in celhtual lei ah Car in a choi cawlh tiah an langhter.
Lions FC Coach Darren Sime nih a chimning ah “Borean celhtual a vun phanh bak ah khan a hawile vialte nih ar ko in an rak zoh” tiah a chim.
Kum 30 a simi Luke Borean nih pumpuluih nganh a duh lo, Peninsula power hna lak ah 4-1 in a team pawl teinak a hmuhpi hna.
Sime nih a chimning ah “cawn ni 2 ni ah khan training dingin a ra, a hmai zong a panh, kei nih cun reserve keeper Ryan Murphy bawmchan dingin ka herhnak ka chimh, ‘Simsey, hnangam tein um ko, zei paoh a ttha dih ko’ tiah hmaipanh te in a ka ti” tiah a chim.
Luke Borean nih an team caa i goal a bawh lio ah hin a mah theithiamtu a nupi thar nih celhtual sir in a rak zoh ve.
CBN News
