Zing thawhka coffee rimhmui hraikhat nih thinlung a nuamhter. Nifatin kan din tawnmi Coffee hna hi orthihnim tertu ca lawng ah kan rak ruah nain vawleicung ttamhnak ah caffiene ai telmi thil poahpaoh hi vunhawng ca ah a ttha taktak mi lawngte an rak si.
Coffee chung ahhin a tamu aa telmi thil pawl hi alkaloid, caffeine an si. Na hman cuahmah mi Cosmetic thilri pawl ah ai telmi labels pawl kha chikkhat hun zoh ta law, caffeine timi thil aa tel lengmang mi na hmuh lai.
Zingka kan orthi a hnim tertu ca ah siseh, nungak pawl nih kan vunhawng dawhnak ca ah siseh a tanglei ningcang hna hi coffee in kokek dawhnak tuahto ning an si.
- Hmaithap vun dawhlo hawhnak ca ah MASK
Coffee nih a mah kokek sinak in nungak pawl kan hmai ah a thi ciami cell pawl hawh khawhnak thazaang a ngei. Collagen timi protein dat thilri chuah khawhnak ding ca ah tthawnnak a ngei. Cu pin ah hmaikangh nak in kham khawhnak a ngei fawn.
A herh mi thilri pawl_
- ground coffe (lai coffee) hraikhat (150 g hrawng)
- Cini pawl (Laiholh cun a sen deuh vak) (200 g)
- Darkeu keute 3tbsp in olive chiti (48 g)
- Darkeu keute 2tbsp in khuahliti (50 g)
A tuahto ning_
A cunglei thilri pawl hna hi a zapi tein a chin a fek ding mi dur pakhat chung ah na cawh dih lai. Khal tuk lo ding in na van cawh lai. Na hmai thuk ding ah aa zatawk ding in van cawk. Ciap tuk lo, khal tuk lo; mei nawn te in awh!
A thukboih ning_
Na cawh ding cang mi kha na hmai le na hngawng dongh tiang nai thuh lai. Nai thuh lio ahkhan nai thuh nak zawn paoh kha a si khawh ahcun maalit (massage) pah ko. Na thuk mi a ro ngai tiah na hngah a hau (hibantuk hngah lam cu nungak pawl nih thiam cia). Cu hnu ah na hmai kha tilum in nai phiah lai. Na dur kha nai thuh khawh in fek tein na chinh tthan lai. Zarhkhat ah voikhat nai thuk a hau.
Zarhkhat hnu zarhkhat in na hmaivun aa thei ziahmah lai. Nai thuk dih ahcun Coffee he nai tthen siang hrim ti lailo.
—Kan pehtthan te hna lai.
- CBN Lifestyle nih na lung an ton ahcun na hawi sinah SHARE ve. Thaizing zong ah tampi kan caih tthan hna lai.
Source: Brigt Side
