North Kalay Peng NatChuang Khua SAC Ralkap An kangh.
======================
December 12, 2022
North Kalay Peng, Natchuang khua cu SAC Ralkap nih tuni December 12 zinglei sml 7 hrawng ah thok in an kangh ii inn 10 hrawng akangh tiah tual chung mi nih DNA ah an chim.
North Kalay peng ah tu ni zinglei ah hriam ngan hriam hme hen an kah hnu ah Natchuang khua cu an kangh hi a si.
“Zinglei ah meithal thawng le hrian ngan thawng cu kan theih. Kahdohnak a chuak .Tu NatChuang ah SAC Ralkap pawl an phan” tiah Natchuang khua pawng um Latpanchuang khuami pakhat nih a chim.
Tu zing ah SAC Ralkap (150) hrawng Natchuang khua an lut ruang ah tar nu tarpa tel lo khuami pawl cu an zaam ii pawng kam khuami pawl zong an zaam tiah tual chung mi pawl nih an chim.
SAC Ralkap le Tual chung hriam tlai phu cu tu zing ah kahdohnak a chuak tiah khuami pawl sin in theih a si ii hliam tuar mi zat cu fiang in theih khawh a si rih lo.
Tu sining ah SAC Ralkap pawl cu North Kalay ah rallam an sial caah PDF hen kahdohnak a chuak kho tiah kalay khuami nih an chim.
